шерулік толықтыру

(Маршевое пополнение)

ұйымдасқан тәртіппен резервтен (запастан) қолданыстағы армия бөлімдерін, құрамаларын, басқару органдары мен тылды толықтыру үшін жіберілетін әр түрлі нысандағы әскери қызметшілердің оқыған контингенті. Ш.т-дың әскери қызметшілері майданға шерулік бөлімшелердің немесе әскери мамандар командасының құрамында жіберіледі. Ш.т. жеке құрамы майданға кету алдында оқу бөлімдерінде, оқу орталықтарында және полигондарда тиісінше оқу бағдарламалары бойынша дайындықтан өтеді. Шерулік толық-тыру белгіленген жерге келгеннен кейін қолданыстағы армияның әскери бөлімдеріне, құрамаларына, басқару органдары мен тылына таратылады.

Қазіргі жағдайда Ш.т-ды дайындау талаптары өсуде. Бұл ғылыми-техникалық прогрестің қарқынына, қару-жарақтың бір жағынан үлкен шығынға ұшырататын, екінші жағынан әскери мамандықтың түрлерін көбейтетін жаңа қиратқыш түрлерінің шығуына байланысты. Егер Екінші дүниежүзілік соғыста батыс мемлекеттерінің армияларында мұндай қару түрі – 1000 болса, 70-жылдары 1500-ден асты. Сондықтан әр түрлі әскери мамандар контингенттерін даярлау және оларды қолданыстағы армияға шерулік толықтыру ретінде жіберу мәселелері қиын да маңызды болып отыр.